Showing posts with label Yoe D. Show all posts
Showing posts with label Yoe D. Show all posts

Thursday, August 22, 2013

အသံ မစုံတဲ့ တေး


စက်ချုပ်သံ တဂျုပ်ဂျုပ်မှာ
တို့ တတွေ ကို မမောတမ်း တင်ဆောင်ခဲ့တဲ့
အလံမဲ့ ရထားလေးဟာ မေမေဆိုလို့ရှိရင်
ပျော်ရွှင်မှုကို အိမ်ပြင်ထွက်ရှာတတ်တဲ့
အသိုက်မေ့ ငှက်တစ်ကောင်ဟာ ဖေဖေ ပေါ့။
ကံကြမ္မာရဲ့ လက်မြန်ခြေမြန်နိူင်မှုထဲ
ပလပ်တစ်ပေါက်လွတ်
တို့ မိသားစု ဖန်သားပြင်လေး
အခုထိ
ရုပ်မြင်အသံ မကြားသေး။    ။
ရိုး ဒီ

လွင်ပြင်ရိုင်း

ဝှေ့တိုက်လာတဲ့
 
လေရဲ့
 
မျက်လုံးလို
နီနီရဲ

ဟုတ်တယ်

ဒါဟာ
တစ်ခုခု ကို ပြောလိုက်ပြီးမှ
ကိုက်ထုတ်ပစ်လိုက်ရမယ့်
လျှာတစ်ချောင်းရဲ့ အကြောင်း။    ။
ရိုး ဒီ

Friday, August 3, 2012

မြန်မာမေ


သူဟာ

မာလာမေ မဟုတ်ဘူး

မြန်မာမေ ...

စကားလုံးတွေ နဲ့

ကျုပ်တို့ကို ကယ်တင်

စကာလုံးတွေ နဲ့

ကျုပ်တို့ကို ဖြေသိမ့်

ကျွန်ုပ်တို့ အားလုံးအတွက်တော့

သူဟာ ကဗျာပဲ

အို ... မြန်မာမေ

သင့် နှုတ်က ထွက်တဲ့

စကားလုံးတွေဟာ

ကျောက်ဆောင်တွေကို တုန်လှုပ်

ယမ်းနံ့တွေကို နည်းပါးသွားစေရဲ့

စကားလုံးတွေအပေါ်

သင့် တန်ဖိုးထားမှုက

ကဗျာသမားတွေကိုတောင်

အံ့သြသွားစေခဲ့

အို ... မြန်မာမေ

ဒီစကားလုံးတွေကို

သင် ဘယ်က ရခဲ့ပါသလဲ

ဒီ စကားလုံးတွေရဲ့ တန်ဖိုး

သင် ဘယ်က သိခဲ့ပါသလဲ

မှန်ကန် ပြေပြစ် နားဝင်လွယ်သော

ရစ်သမ်တွေ

သင် ဘယ်သူ့ဆီက သင်ယူခဲ့ပါသလဲ

မပျော့တဲ့ နေရာ ဆိုလို့ ဒူးခေါင်းပဲ ရှိတယ်တဲ့

ဟုတ်တယ် မြန်မာမေ

တကယ်တော့

ဒီ စကားလုံးတွေက

အနှစ်နှစ် အလလ သိုမှီးထားခဲ့တဲ့

သင့် နှလုံးနံရံထဲက

တိုက်ရိုက် ထွက်ကျလာတာကြောင့်ပဲ

ဖြစ်မယ်

အို ... မြန်မာမေ

ကျွန်ုပ်တို့ မြေပုံပေါ်

ကဗျာဆန်တဲ့ စကားတွေ

ဆက်လက်ကြဲဖြန့်နေပါလော့

ချိုးဖြူငှက်ကလေးလို

သင် တိုးတိုးစကား ဆိုလို့

ဧရာဝတီ မြစ်ကြီးအပေါ်

လွှတ်တင်လိုက်ပါတော့

အို ... မြန်မာမေ

ဆုပေါင်း ၁၂၀ ကျော်

ကမ္ဘာမှာ

ဘယ်သူတွေ ရခဲ့ဖူးလည်းလို့

ကျွန်ုပ် သိချင်လိုက်တာ

စူပါ ပါဝါ နိူင်ငံရဲ့

ပထမဆုံး လူမည်း သမ္မတ နဲ့

ပထမဆုံး စကားပြောဖူးတဲ့

မြန်မာမက သင်ပဲ

အို ... မြန်မာမေ

သင်ဟာ သင့်အဖလိုပဲ

ကျွန်ုပ်တို့ မြန်မာပြည် မြေပုံပေါ်မှာ

ဘယ်တော့မှ မပျောက်ကွယ်သွားမယ့်

လေဆာ ဘွိုင်လာ အစက်ကလေးတစ်စက်

အသင်ဟာ

တိုင်းပြည် ကောင်းစားဖို့က လွဲလို့

ဘာမှ မလိုချင်သူ

မြောက်ကျွန်းသူ အတုလကာရီ ဖြစ်တယ်

အသင်ဟာ

ကျွန်ုပ်တို့ အားလုံး အတွက်

ဖန်ဆင်းရှင်က ဖန်ဆင်းပေးလိုက်တဲ့

မေတ္တာတရား ကြီးမားသူ သမီးတော် ဖြစ်တယ်

အကျွန်ုပ်တို့တွေရဲ့ ဒုက္ခကို

အသင်ပဲ ကောင်းကောင်းသိတယ်

အကျွန်ုပ်တွေရဲ့ အရာရာကို

အသင်ပဲ မျှတစွာ ညွှန်ကြားနိူင်တယ်

အသင်ဟာ

ကျွန်ုပ်တို့ အားလုံးရဲ့

နှလုံးသားတွေထဲက

ဘယ်သူ တစ်ဦးတစ်ယောက်ရဲ့

စေခိုင်းမှုမှ မပါဘဲ

လွတ်လပ်စွာ တင်မြှောက်ထားတဲ့

ခေါင်းဆောင် ၊ မိတ်ဆွေ

မြန်မာပြည်ရဲ့ သွေးကြောတွေထဲ

အစဉ် ထာဝရ စီးဆင်းနေမယ့်

မြစ်မင်း ဧရာ

မြန်မာမေ

အို ... မြန်မာမေ

ကျွန်ုပ်တို့ ကိုယ်စား

အသင့်ကို

မြန်မာပြည် မြေပုံရဲ့

အလယ်ခေါင်တည့်တည့်မှာပဲ

နေရာချထား လိုက်ပါရစေတော့

အို ... မြန်မာမေ

မကောင်းသူပယ် ကောင်းသူကယ်

သင့်ရဲ့

တရား မျှတတဲ့

ကြယ်နှင်တံ နဲ့ ပဲ

ငါတို့ကို တည်ဆောက်

ငါတို့ကို အပြစ်ပေးပါလော့

အို ... မြန်မာမေ

အသင် လိုချင်တာတွေလည်း အသင် ရပါစေ

ကဗျာဆရာတွေ လိုချင်တာလည်း ကဗျာဆရာတွေ ရပါစေ

ကောင်းသောနေ့ပါ မြန်မာမေ ။    ။

ရိုး ဒီ

Friday, July 27, 2012

အယူခံ

ကိုယ့် ဒုက္ခ ကိုယ် ရှာခဲ့တဲ့ လမ်း

ရနံ့က လေညှင်းကို မရှောင်နိူင်တာလား

လေညှင်းက ရနံ့ကို မရှောင်နိူင်တာလား

တကယ်ဆို အချစ်မှာ အပြစ်မရှိပါဘူး ။

ဒဏ်ရာ အနာတရတွေ နဲ့

စည်းအပြင်ရောက်နေတာကလွဲလို့

ကဗျာဆရာ ဆိုတာလည်း လူ ပဲ

ဒုက္ခ နဲ့ တစ်ခါတွေ့တိုင်း

မိန်းမတစ်ယောက် ရဲ့ ရင်ခွင်ထဲ

တိုးဝှေ့ငိုရှိုက်ပစ်လိုက်ချင်တာပေါ့ ...

မပိုပါဘူး

ဒီ့ထက် မပိုပါဘူး

မလိုပါဘူး

ရမ္မက်တွေလည်း မလိုပါဘူး

ဆိတ်ကွယ်ရာ အမှောင်ထဲ

ကမ္ဘာပေါ်မှာ

ဘယ်သူမှ မပြောဘူးသေးတဲ့

စကားတစ်ခွန်း နဲ့

မင်း ရဲ့ အသံလေးကိုပဲ

ပြစ်မှားမိခဲ့တဲ့ ငါ

တကယ်ဆို

အချစ်မှာ အပြစ်မရှိပါဘူး ။

 ရိုးဒီ

23rd APRIL 2008

ဆိုပါစို့

ကမ္ဘာကြီးဟာ ရွာကြီးတစ်ရွာ ဖြစ်တယ် ဆိုပါစို့

ရွာကြီးတစ်ရွာ ထဲမှာ ကဗျာဆရာ တစ်ယောက် ရှိတယ် ဆိုပါစို့

ကဗျာဆရာတစ်ယောက် ထဲမှာ သီချင်းတစ်ပုဒ် ရှိတယ် ဆိုပါစို့

သီချင်းတစ်ပုဒ် ထဲမှာ နေကြာပန်းတစ်ပွင့် ရှိတယ် ဆိုပါစို့

နေကြာပန်းတစ်ပွင့် ထဲမှာ ဘုရားသခင် ရှိတယ် ဆိုပါစို့

ဘုရားသခင် ထဲမှာ အဆိပ်ခွက်တစ်ခွက် ရှိတယ် ဆိုပါစို့

အဆိပ်ခွက်တစ်ခွက် ထဲမှာ ငွေစကြေးစ ရှိတယ် ဆိုပါစို့

ငွေစကြေးစ ထဲမှာ ၀ံပုလွေတစ်အုပ် ရှိတယ် ဆိုပါစို့

ဝံပုလွေတစ်အုပ် ထဲမှာ အဏုမြှူဗုံးတစ်လုံး ရှိတယ် ဆိုပါစို့

အဏုမြှူဗုံးတစ်လုံး ထဲမှာ နွေဦး ရှိတယ် ဆိုပါစို့

နွေဦး ထဲမှာ ဂစ်တာတစ်လက် ရှိတယ် ဆိုပါစို့

ဂစ်တာတစ်လက် ထဲမှာ သံလွင်ခက်တစ်ခက် ရှိတယ် ဆိုပါစို့

သံလွင်ခက်တစ်ခက် ထဲမှာ သေနတ်တစ်လက် ရှိတယ် ဆိုပါစို့

သေနတ်တစ်လက် ထဲမှာ အကြမ်းဖက်ဝါဒ ရှိတယ် ဆိုပါစို့

အကြမ်းဖက်ဝါဒ ထဲမှာ နောင်တတရား ရှိတယ် ဆိုပါစို့

နောင်တတရား ထဲမှာ အတ္တ၀ါဒ ရှိတယ် ဆိုပါစို့

အတ္တ၀ါဒ ထဲမှာ အနုပညာ ရှိတယ် ဆိုပါစို့

အနုပညာ ထဲမှာ သေခြင်းတရား ရှိတယ် ဆိုပါစို့

သေခြင်းတရား ထဲမှာ ဘာမှ မရှိခြင်း ရှိတယ် ဆိုပါစို့

ဘာမှ မရှိခြင်း ထဲမှာမှ

ကျွန်ုပ်တို့ ကမ္ဘာကြီးဟာ ချမ်းသာချင်ယောင်ဆောင်ခဲ့တယ်

ဆိုပါစို့…….။ ။

ရိုးဒီ

နွယ်နီ , AUG: 07'

Thursday, July 26, 2012

ကျန်ရစ်သူ မိသားစု

အခုတော့…

အိမ်ကလေး ရဲ့ မိုးလေ၀သမှာ

စာကြည့်စားပွဲလေးလည်း မီးခိုးတိတ်

မီးဖိုချောင် မီးသီးလေးလည်း ကျွမ်း

အိမ်ရှေ့ ၀င်းတံခါးလေးလည်း

သံဆူးကြိုး မဲ့ ခဲ့ ပြီ…

ညှိုးရော်နေတဲ့ ခြံဝင်းထဲ



တခြမ်းပဲ့ မေတ္တာလမ်း

နွေ ၀င်္ကပါ

တရားသံ အဆုံးမှာ

မျက်ရည်နဲ့ ရေစက်ချခဲ့သူ

အိမ်ရှင်မရဲ့အလွမ်းတွေ

အမှောင်ထဲ ငေးငေးရီရီ။ ။

ရိုးဒီ
< ကာတွန်းမျိုးလေး သို့ >

Friday, July 6, 2012

မိုးတွေ ရွာစေ

ထီးတစ်လက် အတွက်

ထီးတစ်လက်က

တာဝန်မယူနိူင်တဲ့ ခရီး

ခြေရာတွေသာ အထပ်ထပ်

အဆွေးဆွေး

အငြိမ့်သမတစ်ယောက်လို

မီးရောင်အောက်မှာ ရွာတဲ့မိုး

အလွမ်းစက်လက်

လျှပ်စီးခေါ်ရာ

တစိမ့်စိမ့် ၀ိဥာဉ်

စနေသား နဲ့ စနေမိုးလို

မျောနေဆဲ

အိပ်ခန်းထဲက ၀တ္ထု

ဇာတ်ကောင်ကိုယ်စား ငိုမိတယ်
ရိုးဒီ

Fashion Magazine JULY 2009

LinkWithin

Related Posts Plugin for WordPress, Blogger...